Urur u adeega Qaxootiga naafada
ah ee wadanka dagan:
by Abdul Gulan
Tobankii sano ee la soo dhaafay,
labada magaalo ee mataanaha ah (Twin Cities) waxay noqotay caasimada
jaaliyada Soomaaliyeed ee waqooyiga Mareykanka. Minnesota waxay guri
u tahay ugu badnaan Soomaalida dagan waqooyiga Mareykanka, ayagoo
dadkaasi badidood ay dagan yihiin magaalooyinka Minneapolis iyo St.
Paul. Ugu yaraan todobaatan kun (70,000) oo qaxooti Soomaaliya ka
yimid ayaa dagan gobolkan Minnesota. Labaatan kun (20,000) oo dadkaas
ka mid ahna waxay yimaadeen wadankan ayagoo naafo ah. Dadkaas waxay
badidood ka yimaadeen xeryo qaxooti oo Mareykanka ka baxsan ama gobolada
kale ee ka tirsan U.S. oy ku soo doorteen gobolkan shaqooyinka badan
ee laga helo iyo hayadaha qaxootiga caawiya.
Ururka Qaxootiga Naafada ama (DIA) waxaa sameeyey dad Soomaali ah
sanadkii 2003.Ururkan oo ku shaqeeya si bilaash ah (nonprofit) waxaa
hogaamiya dad naafo ah oo u istaagay sidii ay u caawin lahaayeen
walaalahooda naafada ah ee wadankan dagan. DIA waxay ka caawisaa
qaxootiga naafada ah sidii ay isku filaansho uga gaari lahaayeen
xag walba ee noloshooda qaabilsan.
Qaxootiga Soomaliya ka yimid waxay ku soo qulqulayeen gobolkan ilaa
uu bilowday dagaalkii sokeeye sanadkii 1991.
Dagaalkaas oo weli ka socdo Soomaaliya wuxuu sababay in la waayo
dowlad wax u qabata shacbiga Soomaliyeed ee u baahnaa in laga caawiyo
xagga waxbarashada, caafimaadka, amaanka, iyo dhaqaalahaba.
Saddex arimood ayaa
badi sababtay naafada Soomaaliyeed: Kuwo ku dhashay xubnahooda
oo dhiman, sida indha la’aanta, ama dhago
la’aanta iyo kuwo ay xubnahoodu ku lumen dagaalkii sokeeye
dartiis. Qaar kaloo badan ayaa dagaalkii sokeeye oo dheeraday dartiis,
maskaxda wax ka gaareen, sida niyad jab, murugo, iyo walaac joogto
ah.
Markii ay badatay adeegii ay bulshada naafada ah ee Soomaaliyeed
ee dagan Twin Cities u baahnayd, ayaa DIA ay u istaagtay adeegaas
oy xafiis ka furtay Minneapolis sandkan 2006. DIA waxay u qabataa
bulshada adeegyo aad u badan oo la dhihi karo waa xarunta naafada.
DIA waxaa mar dhow la siiyay sharciga loo yaqaan 501(C) 3 oo u sahlaya
sidii ay u caawin lahaayeen dadkooda naafada ah.
Dadkaas qaxootiga ah waxay
u yimaadaan wadankan iney bilaabaan nolol fiican oo aysan xadidin
naafanimada. Naafanimadu waxay marar badan ku keentaa dadka qaxootiga
ay inay lumiyaan isku kalsoonidoodii ama ay ka shakiyaan wax qabadkooda.
DIA (Disabled Immigrant Association)
waxaad kala xiriiri kartaan taleefanka 612-824-7075 ama cinwaanka
DI_ASSO@YAHOO.COM
